Si n’hè andatu à l’eternu Petru Guelfucci.

A Corsica hà persu un figliolu, a nostra lingua unu di i so più grandi difensori.

Petru era un militante culturale di prima trinca, è un patriottu sinceru, sempre prontu à sustene i prigiuneri Pulitichi. Ci mancherà a so voce, a so presenza à latu nostru in manifestazione o à i cuncerti di Sulidarità.

Pienghje Sermanu, pienghje u Boziu, pienghje u populu Corsu. Caru Petru, u to cantu ribomberà in core d’ogni Corsu per u sempre.

Corsica Libera è l’Associu Sulidarità prisentanu e so cundulianze à tutt’a so famiglia.